BEACA General Business Management Limited fi Dhaabbanni Shakman International Automotive Manufacturing Company jedhamu Itiyoophiyaatti maashinoota ulfaatoo fi konkolaattota dhaabuu jalqabuuf jiru.
Ministirri Indaastirii obbo Melaku Alebel tumsa waloo dhaabbilee lamaaniirratti haasawa taasisaniin, mootummaa qopheessuun alatti, rakkoolee loojistikii hiikuu keessatti gaheen indaastiriin oomishaa olaanaa ta’uu ibsaniiru. Akkasumas imaammataa fi bu’uuraalee misoomaa xumuruun damee dhuunfaa deeggaruun ni hojjanna jedhaniiru.
Daarektarri Olaanaa Bizinesii Waliigalaa BEACA Obbo Miika’eel Kaase akka jedhanitti, dhaabbii maashinootaa fi konkolaattotaa garee Shakman waliin ta’uun kan raawwatamu ta’a.
Waliigaltee marsaa sadii akka jiru eeruun marsaa jalqabaatiin konkolaattota ulfaatoo kuma 1 fi 500 gabaaf akka dhiyeessan dubbataniiru.
Marsaa lammaffaatiin waggaatti konkolaataa kuma 3 dhaabuuf karoorfachuu isaanii eeraniiru.
Konkolaataa walitti qabuu fi omishuudhaan alatti dabarsuu beekumsaa fi dandeettii fi leenjii humna namaa ni kenna.
Konkolaattonni ulfaatoo kanneen akka Casoni, Lobed, Liquid Truck Hybed guyyoota 45 booda gabaaf akka dhiyaatan himaniiru.
Sagantaan dhaabbilee lamaanii paarkii michoomaa Addis Ababaatti bakka Shakman Group fi qondaaltonni mootummaa olaanoo biroo argamanitti gaggeeffameera.
